Да будынка гарсавета Горлаўкі пад'ехалі два БМП пад прыкрыццём снайпераў
7- 19.05.2014, 15:42
- 45,793
Снайперы занялі пазіцыі на вышынных будынках у цэнтры горада.
Два БМП са сцягамі РФ і самаабвешчанай «Данецкай народнай рэспублікі» пад'ехалі на цэнтральную плошчу, паведамляе мясцовы сайт Gorlovka.ua.
"Сёння, 19 траўня, каля гадзіны дня ў раёне захопленага будынка горупраўлення міліцыі па праспекце Леніна людзі ў камуфляжы з аўтаматамі перакрылі рух. Акрамя гэтага, снайперы былі ўстаноўленыя на вышынных будынках: выканкаме і бальніцах", - паведамляюць журналісты.
Паводле інфармацыі відавочцаў, адзін чалавек са зброяй, падобнай на базуку, перанакіроўваў рух транспарту на вуліцы Інтэрнацыянальную і Пятроўскага.
Каля УУС бачылі таксама некалькі аўтаматчыкаў на сваім месцы, а праз вуліцу праехалі два БМП, якія ў выніку даехалі да будынка гарсавета.
Нагадаем, учора на мітынгу ў Горлаўцы, насельніцтва якой складае чалавек, адбылася масавая бойка паміж прадстаўнікамі сепаратыстаў.