Алігатар затрымаў згоншчыка машын у Флорыдзе

Алігатар, які нечакана з'явіўся на дарозе, вырашыў зыход пераследу згоншчыка паліцыяй Флорыды.

22-гадоваму Келвіну Радрыгесу (Calvin Rodriguez) (на фота) не ўдалося схавацца на скрадзеным аўтамабілі ад вартавых парадку з-за рэптыліі, якая перагарадзіла яму шлях. Амерыканец урэзаўся ў жывёлу і вымушаны быў здацца палісменам. Пра гэта паведамляе Lenta.ru са спасылкай на выданне Metro.

Як адзначылі прадстаўнікі органаў правапарадку горада Порт-Сэнт-Люсі, яны былі прыемна здзіўленыя дапамогай, якую неспадзявана аказаў алігатар. Кейт Боэм (Keith Boham), які займаўся зловам Радрыгеса, прызнаўся, што яму і яго напарніку наўрад ці ўдалося б дагнаць злодзея, калі б алігатар не перагарадзіў таму шлях.

Келвін Радрыгес прызнаўся ў згоне машыны Honda Civic, на якой ён урэзаўся ў алігатара. Мужчына таксама падазраецца ў пяці іншых аўтакрадзяжах.

Як менавіта кракадзіл з'явіўся на вуліцах Порт-Сэнт-Люсі і што з ім здарылася потым, не паведамляецца.

Вядома, што воды Флорыды густа населеныя алігатарамі. Гэтаму спрыяе клімат штата, цёплы і вільготны, а таксама багацце прэсных вадаёмаў і разнастайнай флоры. У 2007 годзе прадстаўнік дадзенага біялагічнага віду ужо дапамог злавіць паліцыі Маямі рабаўніка.

Флорыдскія алігатары паводзяць сябе вельмі смела і перыядычна з'яўляюцца ў населеных пунктах. Напрыклад, у 2013 годзе алігатар наведаў мясцовую прадуктовую краму.

Фота: Florida Department of Law Enforcement