Экспэрты NATO ўзмоцняць ахову АЭС ва Украіне
5- 19.05.2014, 18:30
- 10,441
Ва Украіну прыедзе група цывільных экспэртаў Альянсу.
NATO накіравала ва Украіну групу цывільных экспэртаў для прыяння ва ўмацаванні бяспекі на АЭС, паведаміў у Брусэлі генеральны сакратар Альянсу Андэрс Фог Расмусэн, піша "Інтэрфакс".
"На просьбу ўкраінскага боку мы накіравалі невялікую групу цывільных экспэртаў для надання ўкраінцам прыяння ў паляпшэнні сістэмы бяспекі на АЭС", - заявіў ён.
Раней прадстаўнікі ўладаў і спецслужбы Украіны паведамлялі пра тое, што ім вядомыя факты падрыхтоўкі захопу тэрарыстамі ядзерных аб’ектаў краіны. Праз гэтага іх ахова ўжо была ўзмоцненая.