Міліцыя назвала новых вінаватых пагромаў у Адэсе
9- 19.05.2014, 20:24
- 24,861
Да падзей 2 траўня ў Адэсе сярод іншых датычныя таксама кіраўнікі перадвыбарчых штабоў кандыдата на пасаду мэра Эдуарда Гурвіца.
Пра гэта паведаміў на брыфінгу міністр унутраных спраў Арсен Авакаў, паведамляе РБК-Украіна.
"Вядучую ролю адыгралі дэпутаты Адэскага гарсавета, супрацоўнікі міліцыі, іх родныя і мясцовыя актывісты, у прыватнасці, кіраўнікі перадвыбарчых штабоў Эдуарда Гурвіца і сыны вядомых адэскіх праваахоўнікаў", - адзначыў Авакаў.
2 траўня падчас беспарадкаў у Адэсе загінулі 48 чалавек. Датычныя да смерці людзей зафіксаваныя на відэа і пададзеныя ў вышук, паведаміў начальнік следчай управы МУС Віталь Сакал.
"22 чалавекі, якія зафіксаваныя на відэа і могуць быць датычныя да забойстваў людзей падчас падзей у Адэсе, ужо ідэнтыфікаваныя і яны знаходзяцца ў вышуку", - сказаў Сакал.
Нагадаем, 2 траўня ў Адэсе адбыліся сутыкненні - прарасейскія баевікі напалі на шэсце патрыётаў Украіны. Паводле звестак пракуратуры, падчас пятнічных сутыкненняў і пажару ў Доме прафзвязаў загінулі 46 чалавек, больш за дзвесце звярнуліся па дапамогу ў медыцынскія ўстановы.
Паводле звестак СБУ, сутыкненні і беспарадкі ў Адэсе з удзелам прадстаўнікоў незаконных вайсковых фармаванняў каардынаваліся з тэрыторыі непрызнанага Прыднястроўя дыверсійнымі групамі з РФ.