Абломкі самага дарагога расейскага спадарожніка знайшлі ў Кітаі

Абломкі спадарожніка сувязі «Экспрэс-АМ4P», страчанага пры запуску на мінулым тыдні, мабыць, знойдзеныя ў Кітаі.

Улады паведамілі, што знайшлі на паўночным усходзе краіны абломкі, якія былі ідэнтыфікаваныя як часткі ракеты-носьбіта або спадарожніка. Аб выніках было дакладзена зацікаўленым бакам, піша агенцтва Xinhua са спасылкай на заяву Кітайскага нацыянальнага касмічнага кіравання.

Касмічная ракета «Пратон-М» стартавала з касмадрома Байканур 16 траўня а 01:42 паводле маскоўскага часу, піша ІТАР-ТАСС.

Раней паведамлялася, што ракета не змагла вывесці на арбіту самы магутны расейскі апарат сувязі - «Экспрэс-АМ4Р». Абломкі апаратаў і атрутнае паліва згарэлі на вышыні 160 кіламетраў над Кітаем.

Паводле апошніх звестак, на вышыні 161 км адбылася спыненне рухавіка трэцяй ступені ракеты-носьбіта - праз адхіленні «Протон М» ад траекторыі палёту.

Гэта быў 10-ы касмічны запуск, праведзены Расеяй з пачатку 2014 года. «Экспрэс-АМ4Р» з'яўляецца самым магутным і высокатэхналагічным на сённяшні дзень расейскім спадарожнікам сувязі. Ён павінен быў стаць трэцім касмічным апаратам серыі «Экспрэс», запушчаным у 2014 годзе. Гэты касмічны апарат быў створаны еўрапейскай кампаніяй EADS Astrium на замову ФГУП "Касмічная сувязь" у рамках Федэральнай касмічнай праграмы РФ на 2006-2015 гады.