Рух цягнікоў пад Данецкам паралізаваны
2- 2.05.2014, 12:53
- 6,781
На чыгуначнай станцыі Славянск невядомыя захапілі пост электрычнай цэнтралізацыі.
У выніку, рух цягнікоў на ўчастку "Лазавая-Ясянаватая" паралізаваны. Пра гэта паведамілі ў эфіры 5 канала са спасылкай на Данецкую чыгунку, перадае "Украинская правда".
У выніку захопу электрапоста не ажыццяўляецца пераключэнне стрэлачных пераводаў і не працуюць святлафоры.
Цягнікі мяняюць маршруты руху, прыгарадныя электрацягнікі на ўчастку "Лазавая-Ясянаватая" будуць перасоўвацца з дапамогай манеўровых цеплавозаў.
Як адзначылі ва ўпраўленні Данецкай чыгункі, з-за адсутнасці напружання ў кантактнай сетцы на паказаным участку руху пасажырскіх, прыгарадных і грузавых цягнікоў ажыццяўляцца не будзе.
Як вядома, раней 2 траўня тэрарысты распачалі спробу захопу пасажырскага цягніка "Масква-Марыупаль" падчас яго прыпынку ў Славянску.
"Спроба захопу была прадпрынятая падчас прыпынку цягніка ў Славянску (прыбыццё ў Славянск у 08:06). Сцэнар тэрарыстаў сарвалі падраздзялення антытэрору", - адзначалася ў паведамленні.
Адзначым, што Славянск з'яўляецца важным транспартным вузлом, дзе сыходзяцца чыгункі з Харкава, Данецка, Марыупаля і Варонежа.