Ахвяры братоў Клічко сустрэнуцца ў Маскве

Нямецкі суперцяжкавагавік Мануэль Чар 30 траўняя правядзе бой з расейцам Аляксандрам Паветкіным.

На коне ў гэтым паядынку будзе стаяць тытул інтэрнацыянальнага чэмпіёна WBC, піша "Корреспондент".

"Гэта каласальны бой. Я ганаруся тым, што мне ўдалося злавіць такую вялікую рыбу. Паядынак з Аляксандрам Паветкіным - гэта мой шанец зноў кваліфікавацца на бой за тытул чэмпіёна свету. Пераможца зойме высокую пазіцыю ў рэйтынгу WBC. Я ўпэўнены, што я паб'ю Паветкіна ў Маскве, а затым ажыццяўлю сваю мару і стану чэмпіёнам свету, як я абяцаў Хасэ Сулейману", - сказаў Мануэль Чар.

Па словах нямецкага баксёра, гэты паядынак для яго будзе амаль хатнім.

"Я ведаю Маскву, а Масква ведае мяне, таму ў мяне не было ніякіх пытанняў наконт таго, ці варта пагаджацца на гэты бой. Пасля майго бою з Клічко ў мяне з'явілася шмат фанатаў і сяброў у Расеі. Таму для мяне гэты паядынак будзе нібы хатні. У дадатак да гэтага, я прыеду ў Маскву з вялікай камандай. Разам мы паб'ём Паветкіна, забярэм тытул інтэрнацыянальнага чэмпіёна WBC у Германію, а потым заваюем пояс чэмпіёна свету. Гэта ключавы бой", - падкрэсліў Чар.

Нагадаем, што Мануэль Чар 8 верасня 2012 года ў Маскве сустракаўся ў рынгу з Віталём Клічко і прайграў тэхнічным накаўтам, а Аляксандр Паветкін 5 кастрычніка таксама ў сталіцы Расеі па ачках саступіў Уладзіміру Клічко.