Украіна аднавіла рэверс газу з Венгрыі
- 2.05.2014, 15:21
- 4,368
Украіна сёння аднавіла імпарт прыроднага газу праз тэрыторыю Венгрыі.
Ён быў прыпынены ў канцы снежня 2013 года. Пра гэта паведамілі ў ПАА "Укртрансгаз", перадае "Інтэрфакс-Украіна".
"Цэнтральнае дыспетчарскае ўпраўленне пацвярджае пачатак фізічнага рэверсу прыроднага газу з Венгрыі", - адзначыў суразмоўца агенцтва.
Паводле яго слоў, імпартныя пастаўкі ажыццяўляюцца на адрас НАК "Нафтагаз Украіны".
Паводле аператыўных дадзеных венгерскага аператара FGSZ Ltd, заяўка на 1 траўня складае 22,5 тысяч кубаметраў прыроднага газу.
У жніўні-верасні 2013 года максімальныя аб'ёмы штосутачнага імпарту праз Венгрыю дасягалі 9 млн кубаметраў.
Як паведамлялася, "Нафтагаз Украіны" з лістапада 2012 года пачаў імпарт прыроднага газу з Германіі праз тэрыторыю Польшчы па дамоўленасцям з кампаніяй RWE Supply&Trading GmbH.
З красавіка 2013-га пачаліся пастаўкі прыроднага газу з боку Венгрыі. Акрамя таго, вядуцца перамовы з газатранспартнымі аператарамі Славакіі і Румыніі аб магчымасці падачы прыроднага газу ў ГТС Украіны.