МУС: Падчас сутыкненняў у Адэсе загінулі тры чалавекі
1- 2.05.2014, 20:26
- 8,654
Колькасць пацярпелых пакуль невядомая.
Колькасць загінулых падчас масавых беспарадкаў у Адэсе павялічылася да трох чалавек, паведамілі агенцтву "Інтэрфакс-Украіна" ў прэс-службе гарадской управы міліцыі ў пятніцу, 2 траўня.
"Адзін з загінулых, як паведамлялася раней, атрымаў агнястрэльную рану ў лёгкае. Што паслужыла прычынай смерці астатніх - пакуль не вядома", - сказалі ў міліцыі.
Таксама там паведамілі, што падчас беспарадкаў пацярпелі трое супрацоўнікаў міліцыі. Колькасць пацярпелых удзельнікаў масавых беспарадкаў пакуль невядома.
Раней паведамлялася, што адэская міліцыя заявіла аб адным загінулым у выніку сутыкненняў.