У канцы траўня ў Беларусь прыбудуць расейскія дэсантнікі
16- 21.05.2014, 9:49
- 11,286
Расейскія і беларускія дэсантнікі правядуць спаборніцтва па баявой падрыхтоўцы.
Пра гэта паведаміў "Інтэрфаксу" ў сераду афіцыйны прадстаўнік ПДВ РФ падпалкоўнік Яўген Мяшкоў.
"У канцы траўня расейскія дэсантнікі сумесна з беларускімі вайскоўцамі на працягу чатырох дзён будуць змагацца па розных прадметах баявой падрыхтоўкі", - сказаў Мяшкоў.
Ён удакладніў, што ў спаборніцтвы ўключаны марш-кідок на 30 км, пераадоленне спецыяльнай паласы перашкод, рукапашная сутычка, а таксама праверка тэарэтычных ведаў па базавых ваенных дысцыплінах.
У якасці ўзнагароды за перамогу на спаборніцтвах прадугледжаны нагрудны знак "Доблесць і майстэрства", адзначыў Мяшкоў.
Адзначым, што 25 траўня ў суседняй Украіне праходзяць прэзідэнцкія выбары. Расея ў гэты час арганізуе авіявучэнні ў Варонежскай вобласці.