Беларусь уводзіць ліцэнзаванне імпарту цэменту
13- 21.05.2014, 10:31
- 10,652
Імпарт у Беларусь цэменту, ліставога паліраванага шкла і шклатары з-за межаў адзінай мытнай тэрыторыі МС будзе ліцэнзавацца.
Урад Беларусі сваёй пастановай N468 прыняў рашэнне аб увядзенні з 1 чэрвеня 2014 года ліцэнзавання імпарту ў рэспубліку з-за межаў Мытнага саюза "тройкі" цэменту, ліставога паліраванага шкла і шклатары, паведамілі агенцтву "Інтэрфакс-Захад" у прэс-службе ўрада са спасылкай на адпаведны дакумент.
Там удакладнілі, што пастанова ўступае ў сілу з 1 чэрвеня 2014 года і дзейнічае да 30 лістапада бягучага года.
У адпаведнасці з дакументам разавыя ліцэнзіі на імпарт будзе выдаваць Мінбудархітэктуры пры ўмове, што ў міністэрства з арганізацыяй-вытворцам цэменту, шкла і шклатары заключанае пагадненне аб умовах паставак у Беларусь гэтай прадукцыі. Прычым у пагадненнях павінны быць устаноўленыя аб'ёмы (квоты) паставак і мінімальныя кошты на цэмент, шкло і шклатару.
Акрамя таго, умовамі выдачы ліцэнзіі вызначана, што знешнегандлёвымі кантрактамі (дамовамі) павінны быць прадугледжаныя пастаўкі цэменту, шкла і шклатары ў Беларусь па коштах не ніжэй мінімальных коштаў, устаноўленых дамовамі аб умовах паставак цэменту, шкла і шклатары.
Пастанова ўстанаўлівае парадак выдачы ліцэнзіі, у тым ліку вызначае пералік неабходных дакументаў.
Міністэрству замежных спраў Беларусі даручана паведаміць Еўразійскай эканамічнай камісіі пра прынятае рашэнне і ўнесці на разгляд ЕЭК прапанову аб прымяненні іншымі членамі Мытнага саюза мер, аналагічных прынятай у Беларусі.