У Брэсце памерла 21-гадовая пацыентка медцэнтра «ЛАДЭ»

У гарадской бальніцы хуткай медыцынскай дапамогі Брэста раніцай 20 траўня памерла пацыентка медыцынскага цэнтра «ЛАДЭ».

Па папярэдніх дадзеных tomin.by, маладая жанчына днём 19 траўня звярнулася ў медцэнтр «ЛАДЭ», размешчаны на праспекце Машэрава, дзе ёй рабілі лячэбную маніпуляцыю па праверцы праходнасці маткавых труб. Падчас прыёму пацыентцы стала дрэнна.

Занепакоеныя нестандартнай сітуацыяй супрацоўнікі выклікалі хуткую. Хворай спрабавалі аказаць дапамогу на месцы, але ў яе, як мяркуюць, здарыўся анафілактічны шок.

Каля 15.00 дзяўчыну даставілі ў бліжэйшую лякарню, размешчаную на вуліцы Леніна. Лекары рэанімацыйнага аддзялення змагаліся за яе жыццё, але каля 6 гадзін раніцы 20 траўня яна памерла.

Праверкай па факце няшчаснага выпадку займаецца Следчы камітэт. Прызначаныя экспертызы, якія дапамогуць устанавіць дакладную прычыну смерці, апытваюцца супрацоўнікі медыцынскага цэнтра.

Як атрымалася высветліць выданню, дзяўчыне быў 21 год.