У Харкаве выставілі яшчэ 36 блокпостаў

Уздоўж мяжы Харкаўскай з Данецкай і Луганскай абласцямі сфармаваныя 36 блокпостаў.

Сумеснае дзяжурства на іх ажыццяўляюць работнікі МУС, СБУ, Міністэрства абароны і грамадскія актывісты.

Пра гэта распавёў падчас прэс-канферэнцыі старшыня Харкаўскай аблдзяржадміністрацыі Ігар Балута, перадае УНІАН.

«Мяжа ў цэлым намі кантралюецца. Вядома, мы не можам казаць пра тое, што яна перакрытая цалкам, бо яна мае вялікую працягласць. Але ў асноўных напрамках і кропках , дзе можна перасекчы легкавым аўтатранспартам, усе дарогі перакрытыя», - адзначыў Ігар Балута.

Паводле яго слоў, таксама ідзе праца над тым, каб асобны тэрытарыяльны батальён, які служыць у Луганскай вобласці, перадыслакаваўся ў Харкаўскую вобласць з-за таго, што ў рэгіёне неабходныя дадатковыя сілы па вядзенні службы на 12 аб'ектах.

«Цяпер мы працуем над тым, каб наш асобны тэрытарыяльны батальён перамясціўся на тэрыторыю Харкаўскай вобласці, таму што ў нас ёсць іншыя аб'екты, якія мы павінны абараняць. Гэта дало б нам магчымасць перакінуць работнікаў МУС на іншыя больш важныя праекты і на сумеснае патруляванне, якое мы былі вымушаныя скараціць», - адзначыў Ігар Балута.

Архіўнае фота 0629.com.ua