Сербы будуюць 12-кіламетровую сцяну з-за паводкі
- 21.05.2014, 11:14
- 5,159
У Бялградзе, сталіцы Сербіі добраахвотнікі кругласутачна будуюць 12-кіламетровую сцяну з мяшкоў з пяском, каб абараніцца ад паводкі.
Пра гэта паведамляе "Радыё Свабода".
Адзначаецца, што пік паводкі чакаюць у канцы тыдня. Пры гэтым, мэр Белграда Сініша Малі выказаў упэўненасць, што сталіца Сербіі "гатовая" да паводкі.
Эксперты прагназуюць, што ўзровень вады ў Дунаі будзе расці, але ахоўныя збудаванні Белграда будуць дастатковымі для прадухілення катастрофы.
Афіцыйныя асобы ў Босніі і Сербіі папярэджваюць пра магчымасць эпідэмій у выніку паводкі.
Паведамляецца, што паводка ўжо забрала на Балканах 49 жыццяў.
Нагадаем, што з-за паводкі ў Сербіі эвакуявалі больш за 25 тыс. людзей.