У Менску на 25% падаражэлі грамадскія прыбіральні
16- 21.05.2014, 12:05
- 8,641
Грамадскія прыбіральні Менска, размешчаныя ў спецыяльных кабінках у розных частках горада, падаражэлі.
Наведванне гарадскіх грамадскіх прыбіральняў цяпер абыходзіцца менчукам і гасцям сталіцы ў 5000 рублёў замест 4 тысяч, якія трэба было заплаціць за дадзеную паслугу яшчэ ў пачатку траўня.
Пра гэта карэспандэнту агенцтва "Менск-Навіны" распавёў дырэктар УП "МАФ" ДВА "Гаррамаўтадар Менгарвыканкама" Віталь Сульжыцкі.
Ён таксама паведаміў, што нягледзячы на павышэнне кошту паслугі, яе акупнасць па-ранейшаму знаходзіцца на ўзроўні каля 30%. Гэта звязана з ростам коштаў на ваду, цеплавую і электраэнергію, а таксама расходныя матэрыялы.
У найбліжэйшай будучыні, як запэўніў Сульжыцкі, чарговага падаражання паслуг грамадскіх прыбіральняў не плануецца, па меншай меры да пачатку наступнага ацяпляльнага сезона.