31 траўня і 12 чэрвеня ў Менску забароняць продаж алкаголю

У гэтыя дні будуць праводзіцца традыцыйныя святочныя мерапрыемствы, прысвечаныя заканчэнню навучальнага года.

Улады лічаць, што для бяспекі дзяцей і падлеткаў продаж алкаголю павінен быць забаронены. Дарослым таксама прыйдзецца далучыцца да гэтых абмежаванняў. Арганізацыі гандлю даўно выказваюць сумневы ў мэтазгоднасці меры, паколькі ўсе каму трэба закупляюцца загадзя, а ў гэтыя дні забарона дастаўляе толькі нязручнасці незанятым у святкаванні заканчэння навучальнага года. Аднак у Менгарвыканкаме сумневаў з гэтай нагоды няма, піша onliner.by.

- Алкагольныя напоі не будуць прадавацца 31 траўня і 12 чэрвеня з 0:00 да 24:00, - распавяла начальнік аддзела выхаваўчай і ідэалагічнай работы камітэта па адукацыі Менгарвыканкама Ганна Рысявец. - Не завіце гэта днямі цвярозасці - гэта проста абмежаванне продажу, агульнапрызнаная практыка. Я не чула, што існуе наогул скепсіс з гэтай нагоды. Наадварот, нават тыя арганізацыі гандлю, якія тэрытарыяльна знаходзяцца паблізу межаў горада, ідуць насустрач і прымаюць абавязацельствы па абмежаванні на сябе. У мінулым годзе ніякіх пытанняў з гэтай нагоды не ўзнікала.