Жыхару Ваўкавыска пагражае турма за скрадзены пакет кефіру
29- 21.05.2014, 15:24
- 19,115
Нецвярозы жыхар Ваўкавыска пайшоў у краму за кефірам. Але плаціць за яго ён не збіраўся.
Цяпер ён будзе адказваць па законе за рабаванне. Пра гэта распавёў прадстаўнік прэс-службы УУС Гродзенскага аблвыканкама Ігар Белазёраў, піша «Вечерний Гродно».
Паводле яго слоў, 29-гадовы нідзе не працуючы валкавычанін выдаткаваў апошнія грошы на спіртное і ўжо ў нецвярозым стане пайшоў у краму. Там ён узяў пакет кефіру і накіраваўся да выхаду. Нягледзячы на папярэджанне прадаўшчыцы, разлічвацца не збіраўся. У выніку жанчыне прыйшлося націснуць трывожную кнопку і выклікаць міліцыю. Мужчыну затрымалі недалёка ад крамы.
Супрацьпраўны ўчынак здзейснены на вачах у прадаўца, што паслужыла падставай кваліфікаваць яго па артыкуле «рабаванне». Супраць маладога чалавека і тое, што ён у мінулым быў судзімы. У якасці максімальна строгага пакарання па частцы 1 артыкула 206 КК РБ прадугледжана аж да чатырох гадоў пазбаўлення волі.