Тэмпература ў красавіку пабіла сусветны рэкорд цяпла на Зямлі

У красавіку сярэднесусветная тэмпература пабіла рэкорд чатырохгадовай даўнасці.

Пра гэта заявілі амерыканскія метэаролагі. Нацыянальнае ўпраўленне акіянічных і атмасферных даследаванняў абвясціла, што сярэдняя тэмпература на планеце ў красавіку склала 58,1 градуса па Фарэнгейце (14,5 градуса па Цэльсіі). Глабальныя асераднёныя значэнні апынуліся блізкія да дадзеных за красавік 2010 года і на 0,77 градуса па Цэльсіі перавысілі сярэднія паказчыкі за ХХ стагоддзе, піша NEWSru.com.

У Паўночным паўшар'і мацней за ўсё разагрэлася Цэнтральная Сібір, дзе тэмпература была ў сярэднім на 5 градусаў па Цэльсіі вышэй, чым у сярэднім за перыяд з 1981 па 2010 год. Акрамя таго, горача было ў Еўропе, Паўночнай Афрыцы і ў Мексіцы. У Паўднёвым паўшар'і рэкорднае цяпло зафіксавана ва ўсходніх рэгіёнах Аўстраліі і на захадзе Інданезіі. Толькі ў паўднёвай частцы Паўднёвай Амерыкі было халаднавата, чым у цэлым у гэтым паўшар'і. Пры гэтым у Канадзе было халадней, чым звычайна бывае ў красавіку.