Восем выкрадальнікаў актывістаў Майдана хаваюцца ў Расеі

Часовая следчая камісія Вярхоўнай Рады Украіны скончыла праверку выкраданняў актывістаў Майдана.

Як паведаміў яе кіраўнік - народны дэпутат Генадзь Маскаль - сярод усіх зніклых без вестак да гэтага часу не знойдзеныя два чалавекі, піша "Лiга.нет".

"Дадзеныя аб іх месцы знаходжання адсутнічаюць. Па факце знікнення гэтых асоб МУС Украіны адкрытая крымінальная вытворчасць па арт. 115 Крымінальнага кодэксу - "наўмыснае забойства", - адзначыў ён.

Па выкраданнях людзей ВСК устанавіла два наступных факта:

1. Выкраданне актывістаў Ігара Луцэнкі і Юрыя Вярбіцкага, у працэсе якога Вярбіцкаму былі нанесеныя цяжкія цялесныя пашкоджанні не сумяшчальныя з жыццём. Па дадзеным факце МУС Украіны адкрыла крымінальную вытворчасць па арт. 146 КК Украіны - "незаконнае пазбаўленне волі або выкраданне чалавека" і арт.115 КК Украіны - "наўмыснае забойства". Устаноўленыя 11 асоб, якія ўчынілі гэтае злачынства. Трое з іх арыштаваныя, восем знаходзяцца ў міжнародным вышуку і хаваюцца ў Расеі.

2. Выкраданне актывіста Аўтамайдана Дзмітрыя Булатава. Па дадзеным факце ўзбуджаная крымінальная вытворчасць, расследаваннем якой займаецца Галоўнае следчае Упраўленне МУС Украіны. Вінаватыя ў здзяйсненні злачынства не знойдзеныя.

Нагадаем, 22 студзеня каля Барыспаля было знойдзена цела Юрыя Вярбіцкага - актывіста, які прапаў разам з адным з каардынатараў Майдана Ігарам Луцэнкам, якому ўдалося раней выбрацца жывым з рук выкрадальнікаў, якія выкралі актывістаў з-пад будынку адной са сталічных лякарняў. МУС тады паведаміла, што Вярбіцкі загінуў ад пераахаладжэння. Дадзеныя судова-медыцынскай экспертызы сведчаць пра шматлікія траўмы, атрыманыя Вярбіцкім.

У СМІ неаднаразова з'яўлялася інфармацыя, што асобы, вінаватыя ў разгоне Майдана, а таксама ў забойствах яго актывістаў, маглі бегчы з Украіны праз Беларусь. Некаторыя з іх таксама прасілі прытулку ў нашай краіне.