КНДР адкрыла агонь па патрульным караблі Паўднёвай Карэі

У спрэчных прымежных водах былі выпушчаныя два снарада і быў адкрыты агонь у адказ.

Паўночная Карэя паўгадзіны таму абстраляла артылерыйскімі снарадамі патрульны ваенны катэр каля паўднёвакарэйскай выспы Енпхенда, паведамляе NKNews.com.

Ступень пашкоджання паўднёвакарэйскага судна пакуль невядомая.

Жыхарам выспы было загадана эвакуявацца, паведамляе TV Chosun.

Гэта ўжо не першае сутыкненне. У 2010 годзе ў тым жа раёне быў затоплены карабель c 46 маракамі, а таксама абстраляная выспа, на якой чацвёра людзей загінулі і 16 атрымалі раненні.