Багданкевіч: Атрыманыя ад Расеі грошы пойдуць на кампенсацыю страт
3- 22.05.2014, 15:44
- 13,916
Новы крэдыт ад Расеі не вырашыў фінансавыя і эканамічныя праблемы Беларусі.
Даўгі і складскія запасы ў краіне растуць, а ўзровень жыцця падае. Пры гэтым урад ніякіх дзейсных крокаў па паляпшэнню сітуацыі не прадпрымае. Краіне патрэбныя рэальныя рэформы - эканамічныя і палітычныя, лічаць госці праграмы АГП-ТБ «Размова на траіх» экс-кіраўнік Нацбанка Беларусі Станіслаў Багданкевіч і экс-прэм'ер краіны Міхаіл Чыгір.
«Ідзе працэс пагаршэння фінансавага становішча, зніжэння ўзроўню жыцця. У нас ідзе працэс страты рэзерваў, 1,2 мільярда даляраў толькі ў гэтым годзе мы страцілі з ЗВР. А калі лічыць за мінулы год і гэтыя чатыры месяцы, то мы страцілі 3 мільярда. Зараз Расея зноў нешта дасць, але гэта пойдзе толькі на замяшчэнне таго, што мы страцілі», - сказаў Багданкевіч.
Міхаіл Чыгір, у сваю чаргу, назваў самай вялікай праблемай беларускай эканомікі неадпаведнасць імпарту і экспарту.
«Мы не можам вырабіць і паставіць на экспарт такую колькасць прадукцыі, якую спажываем», - сказаў ён.