На выходных да + 32°С

Прахалодней стане ў Беларусі на наступным тыдні.

Пра гэта паведаміла карэспандэнту БелТА галоўны сіноптык Рэспубліканскага гідраметэацэнтра Людміла Парашчук.

Паводле яе слоў, з першых дзён бягучага тыдня ўмовы надвор'я ў рэспубліцы фармаваліся пад уплывам вельмі цёплых вільготных паветраных мас, якія паступаюць з акваторыі Азоўскага мора і тэрыторыі Паўночнага Каўказа. "Тэмпературны фон у асноўным на 4-9 градусаў перавышаў кліматычную норму. У самы гарачы дзень тыдня, 19 траўня, ва ўсходніх раёнах рэспублікі паветра прагравалася да 30-32 градусаў, пры гэтым на многіх метэастанцыях Магілёўскай і усходу Віцебскай абласцей былі ўстаноўленыя новыя рэкорды самых высокіх травеньскіх тэмператур", - сказала Людміла Парашчук.

"У бліжэйшыя дні надвор'е працягне радаваць беларусаў", - дадала прадстаўнік гідраметэацэнтра.

У пятніцу ноччу істотных ападкаў на тэрыторыі краіны не прагназуецца, днём месцамі пройдуць кароткачасовыя дажджы, прагрымяць навальніцы. У начныя і ранішнія гадзіны ў асобных раёнах згусціцца слабы туман. Тэмпература паветра ўначы складзе плюс 10-16 градусаў, у дзённыя гадзіны будзе ад 24 да 29 градусаў цяпла.

"На маючых адбыцца выхадных паўднёва-усходнія вятры ўзмоцняць паступленне на тэрыторыю рэспублікі паветра з тэрыторыі паволжскіх стэпаў. У сукупнасці з ростам атмасфернага ціску і невялікай колькасцю воблачнасці тэмпература паветра падрасце яшчэ на пару градусаў, склаўшы ноччу 13-18 градусаў цяпла, днём чакаецца плюс 27-32 градуса", - сказала Людміла Парашчук. Ападкаў у асноўным не чакаецца, толькі ў другой палове дня дзе-нідзе могуць праходзіць дажджы ў суправаджэнні навальніц.

"У наступны панядзелак гарачае надвор'е ў Беларусі яшчэ захаваецца, - дадала галоўны сіноптык. - Але ўжо з аўторка сітуацыя пачне мяняцца". Паўднёвы і паўднёва-заходні вятры зменяцца паўночным - і вельмі цёплае паветра пачне пакідаць паўночныя раёны, адыходзячы ў паўднёвым кірунку. Трыццаціградусная спякота стане магчымая толькі ў паўднёвых раёнах Брэсцкай і Гомельскай абласцей, на астатняй тэрыторыі ў разгар дня паветра будзе прагравацца толькі да 25 градусаў. Месцамі чакаюцца кароткачасовыя дажджы, навальніцы.

У сераду тэрыторыя Беларусі апынецца пад уплывам халоднага малаактыўнага атмасфернага фронту з поўначы Еўропы, услед за якім на тэрыторыю рэспублікі пачнуць паступаць халодныя паветраныя масы. Тэмпература паветра ўначы складзе ад плюс 9 градусаў па поўначы да 18 градусаў цяпла па паўднёвым захадзе краіны, днём тэмпература будзе вагацца ад плюс 20-22 градусаў на поўначы Віцебскай вобласці да 26-28 градусаў цяпла ў крайніх паўднёва-заходніх раёнах Брэсцкай вобласці. Нягледзячы на тое, што аблокаў стане нашмат больш, кароткачасовыя дажджы пройдуць толькі месцамі, у асобных раёнах прагрымяць навальніцы.