Жыхар Адэсы вербаваў баевікоў для перакідання ў Данбас

СБУ затрымала ўдзельніка групы, якая па заданні Расеі фармавала атрады баевікоў.

Іх рыхтавалі для ўдзелу ў дыверсійнай і тэрарыстычнай дзейнасці і дастаўлялі ва ўсходнія рэгіёны краіны. Пра гэта паведамляе Служба бяспекі Украіны.

«Жыхар Адэсы, грамадзянін Украіны «М», асабіста арганізоўваў адпраўленне наймітаў у Луганск і Славянск. 15 траўня г.г. СБУ затрымала шэсць падрыхтаваных удзельнікаў зноў сфармаванай групы з ліку жыхароў Адэскай вобласці. Пасля была затрыманая яго саўдзельніца - грамадзянка Украіны «П», ураджэнка і жыхарка Адэсы, якая каардынавала падбор і накіроўванне баевікоў на Усход, - распавялі ў ведамстве. - Пасля гэтага «М» уцёк і хаваўся ў прыватным доме аднаго з пасёлкаў Адэскай вобласці, дзе яго і затрымалі супрацоўнікі СБУ.

У ходзе ператрусу па месцы часовага знаходжання «М» выяўлена і канфіскавана бутэлькі з «кактэйлем Молатава», патроны да пісталета ПМ, ваенныя каскі. Затрыманы прызнаўся, што прыцягваў і адпраўляў жыхароў Адэсы для падтрымкі бандгрупіровак, якія дзейнічаюць на Усходзе Украіны. Акрамя таго «М» даў паказанні пра свой удзел у масавых беспарадках 2 траўня ў Адэсе, якія прывялі да шматлікіх чалавечых ахвяраў».

У паведамленні таксама адзначаецца, што ў рамках крымінальнай вытворчасці па ч.2 арт.110 (замах на тэрытарыяльную цэласнасць і недатыкальнасць Украіны) Крымінальнага кодэкса Украіны праводзяцца следчыя дзеянні.