Футры ў Беларусі забяспечаць чыпамі

Прадаўцы футра просяць абароны ў Еўразійскай эканамічнай камісіі.

Член калегіі па гандлі ЕЭК Андрэй Сляпнёў прапануе маркіраваць асобныя віды прадукцыі лёгкай прамысловасці, каб кантраляваць іх абарот, вытворчасць і імпарт у краінах Мытнага саюза. Пра гэта паведамляецца ў рашэнні камісіі ЕЭК, піша РБК.

"Савет ЕЭК даў даручэнне камісіі разам з нацыянальнымі профільнымі ведамствамі і прадстаўнікамі бізнесу распрацаваць сістэму маркіроўкі", - пацвердзіў Сляпнёў. Ён мае на ўвазе выкарыстанне RFID-пазнакі - чыпа, дзе будзе запісаная інфармацыя аб вытворцах і пастаўшчыках тавару, якую можна счытваць з дапамогай радыёсігналаў.

Па дадзеных даследавання Асацыяцыі кампаній рознічнага гандлю (АКАРГ) і Вышэйшай школы эканомікі "Ключавыя праблемы лёгкай прамысловасці", рынак тавараў лёгкай прамысловасці ў Расеі ацэньваецца прыкладна ў 3 трлн руб., у т. л. каля 30% - незаконна ўвезеная і незаконна вырабленая прадукцыя. У бюджэт не трапляе больш за 200 млрд руб. мытных і падатковых плацяжоў, адзначаюць аўтары.

Зараз, па словах Андрэя Сляпнёва, фармуецца рабочая група, якая створыць тэхнічнае заданне для распрацоўкі сістэмы маркіроўкі. У кастрычніку 2014 года, да пасяджэння савета ЕЭК, рабочая група павінна прадставіць праекты нарматыўна-прававых дакументаў. Эксперымент з маркіроўкай пачнецца ў 2015 годзе з прадукцыі з натуральнага футра. Па словах крыніцы, знаёмай з ходам распрацоўкі дакументаў, пілотны праект будзе запушчаны ў сярэдзіне 2015 года. "Пералік прадукцыі, на якую будзе распаўсюджвацца патрабаванне абавязковай маркіроўкі, не будзе ахопліваць усе тавары лёгкай прамысловасці, гэта будзе адабраная група тавараў", - кажа суразмоўца газеты.

Па словах крыніцы, знаёмай з распрацоўкай электроннай маркіроўкі, пілотны праект запусцяць у сярэдзіне 2015г. Першым таварам, які падвергнецца маркіроўцы, стануць футры - менавіта гэтая катэгорыя з'яўляецца самай праблемнай, дадае суразмоўца. Па дадзеных даследавання АКАРГ, больш за 80% вырабаў з натуральнага футра ўвозіцца без выплаты мытных плацяжоў або са значным прыніжэннем мытнага кошту. У год расейскія пакупнікі трацяць на футры каля 100 млрд руб., менш 5% - на расейскія вырабы.