На выходных у Беларусі прагрымяць навальніцы

У суботу і нядзелю ў асобных раёнах пройдуць кароткачасовыя дажджы з навальніцамі.

Сёння ўмовы надвор'я на тэрыторыі Беларусі вызначае вобласць павышанага атмасфернага ціску, сфармаваная ў цёплай вільготнай паветранай масе. Да канца дня месцамі пройдуць кароткачасовыя дажджы, прагрымяць навальніцы, паведамляе Гідраметцэнтр Беларусі. Вецер няўстойлівы слабы, пры навальніцах парывісты. Максімальная тэмпература днём складзе +23.. +28°C.

У бліжэйшыя суткі, 23 траўня, умовы надвор'я на тэрыторыі Беларусі будзе вызначаць вобласць павышанага атмасфернага ціску, сфармаваная ў цёплай і вільготнай паветранай масе. Чакаецца пераменная воблачнасць. Ноччу без істотных ападкаў, днём месцамі кароткачасовыя дажджы, навальніцы. У начныя і ранішнія гадзіны ў асобных раёнах згусціцца слабы туман. Вецер паўднёва-усходні ўмераны, пры навальніцах парывісты. Тэмпература паветра мінімальная ноччу +10.. +16°C, максімальная днём +24.. +29°C. Атмасферны ціск ноччу істотна не зменіцца, днём будзе слаба падаць.

У наступныя двое сутак, 24 і 25 траўня, захаваецца вельмі цёплае надвор'е. Рэспубліка будзе знаходзіцца пад уплывам вобласці павышанага атмасфернага ціску, сфармаванага ў вельмі цёплай і вільготнай паветранай масе.

У суботу і нядзелю ў асобных раёнах пройдуць кароткачасовыя дажджы, прагрымяць навальніцы. Вецер паўднёва-усходні ўмераны, пры навальніцах парывісты. Тэмпература паветра мінімальная ноччу складзе +13.. +18°С, максімальная днём +26..+31°C.