«Інтэрфакс»: Наркаманаў у Крамлі ўдвая больш, чым у сярэднім па Расеі

Расейскае інфармацыйнае агенцтва паведаміла дзіўную навіну.

«Наркаманаў у Крамлі ўдвая больш, чым у сярэднім па Расеі», - кажа яе загаловак. У самім тэксце навіны са спасылкай на Федэральную службу па кантролі за абаротам наркотыкаў гаворыцца пра тое, што гаворка ідзе пра акупаваны Расеяй паўвостраў Крым. Нягледзячы на тое, што праз некаторы час загаловак быў выпраўлены, старая нататка захавалася ў кэшы Google і стала падставай для жартаў карыстальнікаў інтэрнэту.