Цэнтрабанк Расеі: Адток капіталу ў 2014 годзе складзе $90 мільярдаў

Мінэканамразвіцця Расеі прагназуе адток капіталу ў памеры 100 мільярдаў даляраў.

Банк Расеі чакае рэзкага запаволення адтоку капіталу з РФ у другім-трэцім кварталах, рабочы прагноз на 2014 год складае 85-90 мільярдаў даляраў, паведаміла кіраўнік Цэнтральнага банка Расеі Эльвіра Набіуліна, перадаюць РІА "Новости".

"Калі сітуацыя будзе стабільнай, то, на наш погляд, не будзе такога адтоку капіталу. Пакуль наша рабочая адзнака адтоку капіталу ў цэлым па 2014 годзе - 85-90 мільярдаў даляраў ЗША, то ёсць мяркуем рэзкае запаволенне ў другім, трэцім і чацвёртым кварталах. І гэтыя падзеі будуць звязаныя ў тым ліку з дынамікай курса (рубля)", - сказала Набіуліна, выступаючы на сесіі ПМЭФ.

Разам з тым, афіцыйны прагноз Мінэканамразвіцця Расеі складае адток капіталу ў памеры 100 мільярдаў даляраў.