Па Данецку рассылаюць фэйк пра ўвод войскаў

На прадпрыемствы Данецка рассылаюцца фальшывыя тэлефанаграмы нібыта ад імя Данецкай аблдзяржадміністрацыі з папярэджаннем пра ўвод войскаў.

Пра гэта дырэктар па сувязях з грамадскасцю і камунікацыях СКМ Наталля Емчанка піша ў сябе ў Facebook, паведамляе "ОстроВ". 



"Важна. Асцярожна. Фэйк. На камунальныя прадпрыемствы Данецка, на вялікія прамысловыя прадпрыемствы горада і ў дзяржаўныя ўстановы масава рассылаюцца ФЭЙКАВЫЯ тэлефанаграмы ад ДанАДА. Сутнасць - тэрмінова распускаць людзей па дамах у 16-00. Нібыта - з-за ўводу войскаў", - напісала яна.

Данецкая аблдзяржадміністрацыі таксама паведаміла, што ў пятніцу распаўсюджваецца інфармацыя пра нібыта ўвядзенне ў Данецку ваеннага становішча.

"Аблдзяржадміністрацыя афіцыйна заяўляе, што такія лічбы не адпавядаюць рэчаіснасці і з'яўляюцца часткай інфармацыйнай вайны супраць Украіны. Просім не паддавацца паніцы і давяраць паведамленням толькі з афіцыйных крыніц", - гаворыцца ў паведамленні прэс-службы.