Усе акруговыя выбаркамы Данецка перанесеныя ў аэрапорт

Пастанова аб пераносе прынятая праз пагрозы тэрарыстаў.

Пра гэта стала вядома на пасяджэнні ЦВК, паведамляе РБК-Украіна.

Цэнтральная выбарчая камісія (ЦВК) на просьбу Данецкай абласной дзяржаўнай адміністрацыі перанесла пяць акруговых выбарчых камісій горада Данецка (№ 41-45) у аэрапорт места.

Раней паведамлялася, што ў шматлікіх гарадах Данбаса сэпаратысты захопліваюць і блакуюць акруговыя выбарчыя камісіі. Такія інцыдэнты зафіксаваныя як у Данецку, Луганску, Марыупалі, так і ў невялікіх паселішчах.