Снайпер з РФ распавёў пра ўзнагароджанне за забітых украінцаў
23- 24.05.2014, 13:29
- 41,801
На чыгуначнай станцыі «Харкаў-Пасажырскі» пры спробе перасячэння расейска-ўкраінскай мяжы быў затрыманы грамадзянін РФ.
Пра гэта паведамляе прэс-служба СБУ.
Было высветлена, што 39-гадовы грамадзянін РФ з'яўляецца снайперам і браў удзел у ваенных дзеяннях на тэрыторыі Чачэнскай Рэспублікі.
Падчас допыту следчымі СБУ затрыманы распавёў, што па заданні расейскай спецслужбы накіроўваўся ва ўсходнія вобласці Украіны для ўдзелу ў незаконных узброеных фарміраваннях.
Перад ад'ездам ва Украіну снайпер прайшоў падрабязны інструктаж у Растове-на-Доне.
За сваю «працу» ён павінен быў атрымаць узнагароджанне: за забойства радавога ўкраінскага вайскоўца - $100, за афіцэра - $1000, а па вяртанні яшчэ 2000 еўра.
Зараз іншаземец пад вартай. Працягваецца следства.
СБУ ўнесла ў Адзіны рэестр дасудовых расследаванняў звесткі аб здзяйсненні ім злачынства, прадугледжанага ч.1 арт.114 Крымінальнага кодэкса Украіны.