Улады Сірыі выкарыстоўвалі хлор супраць мірных жыхароў?
2- 24.05.2014, 16:30
- 4,422
Актывісты апазіцыі ў Сірыі абвінавацілі ўрадавыя сілы ва ўжыванні хлору падчас двух апошніх нападаў.
На відэа, што размешчана ў інтэрнэце, відаць, як людзі спрабуюць схавацца ад жоўта-зялёнага дыму, а затым у іх пачынаюцца праблемы з дыханнем, паведамляе BBC.
Урад адмаўляе выкарыстанне хлору. Ужыванне гэтага газу з'яўляецца парушэннем палажэнняў падпісанай Сірыяй Канвенцыі аб забароне хімічнай зброі.
Арганізацыя па забароне хімічнай зброі заяўляе, што вялікая частка запасаў хімічнай зброі Сірыі ўжо знішчана.