Войска распусціла сенат Тайланда

Вайскоўцы Тайланда на чале з генералам Прают Чан-Ачай распусцілі верхнюю палату парламента краіны.

Адпаведную заяву ў суботу, 24 траўня, зрабіў прадстаўнік вайсковага ўрада ў пжывым эфіры нацыянальнага тэлевізіі, паведамляе Agence France-Presse. Гэтым указам вайсковы ўрад Тайланда надзяліў сябе ўсёй паўнатой улады на тэрыторыі краіны.

Акрамя таго, камандаванне войскам Тайланда вызваліла ад пасады начальніка паліцыі краіны генерала Адуна Сенгсінгкаеў (Adul Saengsingkaew), які ўдзельнічаў у ваенным перавароце, піша Lenta.ru.

22 траўня ў краіне быў учынены ваенны пераварот. Улада перайшла пад кантроль войска Тайланда. А дзеянне канстытуцыі краіны было часова прыпыненае. Вайскоўцы ўвялі забарону на вяшчанне ўсіх тэлеканалаў краіны, акрамя тэлерадыёслужбы ўзброеных сіл. Акрамя таго, з 22 да 5 гадзін у краіне ўведзена каменданцкая гадзіна. На наступны дзень вайскоўцы затрымалі часовую выканаўцу абавязкаў прэм'ер-міністра краіны Інглак Чынават.