Гамяльчанін «замінаваў» вакзал

Міліцыя затрымала падазраванага ў "мінаванні" чыгуначнага вакзала ў Гомелі.

"У Гомелі ў суботу па тэлефоне "102" патэлефанаваў невядомы і заявіў, што ў будынку чыгуначнага вакзалу закладзеная выбуховая прылада", - паведамілі агенцтву "Інтэрфакс- Захад" у панядзелак у МУС Беларусі.

"У ходзе праведзенага комплексу мерапрыемстваў прылада не выяўленая, інфармацыя не пацвердзілася. Устаноўлена, што тэлефанаваў інвалід 1-ай групы, які пакутуе на псіхічнае захворванне, 1979 года нараджэння, мясцовы жыхар", - праінфармавалі ў міністэрстве.

"Мужчына затрыманы, праводзіцца праверка", - адзначылі там.