Памочнік Пуціна тэрмінова выязджае ў Абхазію

Памочнік прэзідэнта Расеі Уладзіслаў Суркоў наведае Абхазію ўжо сёння.

Памочнік прэзідэнта Расеі Уладзіміра Пуціна Уладзіслаў Суркоў і намеснік сакратара Савета бяспекі Расеі Рашыд Нургаліеў прыедуць у Сухумі 28 траўня, заявіў сакратар Савета бяспекі Абхазіі Нугзар Ашуба. Пра гэта паведамляе РІА «Новости».

Раней інфармаваная крыніца ў Сухумі таксама адзначыла, што Суркоў можа прыехаць у горад у сераду.

Напярэдадні мітынгоўцы ў абхазскім Сухумі ўзялі пад свой кантроль будынак адміністрацыі прэзідэнта і заявілі, што бяруць на сябе кіраўніцтва рэспублікай.