Члены ЦВК Украіны стоячы віталі кіраўніка камісіі з Данецка
13- 28.05.2014, 16:23
- 15,903
Кіраўніка данецкай акруговай выбарчай камісіі №62 Таццяну Кана ў Кіеве віталі авацыямі.
Такім чынам прысутныя прадэманстравалі сваё захапленне адвагай жанчыны, якая была адказная за правядзенне выбараў прэзідэнта Украіны ў захопленым тэрарыстамі Данецку, перадае 5 канал.
Таццяна Кана сама прывезла пратаколы ў Кіеў. Яна распавяла, што дабірацца ва ўкраінскую сталіцу было вельмі складана і страшна.
«Страшна было, дзяўчынкі. «Дээнэраўцы» прыехалі і сказалі, што выбараў не будзе. Мы сказалі, што выбары будуць. І яны прайшлі. Дабіраліся да Кіева як маглі - дзе лесам, дзе полем, а дзе і дарогай, але везлі пратаколы, каб у нас быў, нарэшце кіраўнік дзяржавы», - распавяла яна.
Нагадаем, паводле папярэдніх дадзеных, перамогу на выбарах прэзідэнта Украіны атрымаў Пётр Парашэнка.