Беларусь - адзін з сусветных лідараў па рабскай працы на прадпрыемствах

Парушэнне правоў беларускіх рабочых будзе цэнтральным пытаннем на Міжнароднай канферэнцыі працы ў Жэневе.

Пра гэта ў інтэрв'ю сайту charter97.org паведаміў старшыня Беларускага кангрэсу дэмакратычных прафсаюзаў (БКДП) Аляксандр Ярашук.

- Аляксандр Ільіч, віншуем вас з выбраннем віцэ-прэзідэнтам і членам Генеральнага савета Міжнароднай канфедэрацыі прафсаюзаў (МКП) на III з'ездзе арганізацыі, які прайшоў 18-23 траўня ў Берліне. Якія дадатковыя магчымасці ў барацьбе за правы беларускіх рабочых з'явіліся ў вас у сувязі з гэтым?

- Гэта абранне сур'ёзна павышае мой статус, таму што ў дадзеным выпадку гаворка ідзе пра тое, што ў сваёй краіне я з'яўляюся кіраўніком не толькі Беларускага кангрэсу дэмакратычных прафсаюзаў, але маю паўнамоцтвы і ў якасці аднаго з кіраўнікоў МКП. А гэта істотна мяняе мае магчымасці, таму што я магу гаварыць ад імя гэтай арганізацыі і рабіць адпаведныя заявы. І БКДП такім чынам у чарговы раз атрымаў высокае прызнанне міжнародным прафсаюзным рухам. Гэта, вядома, радуе і дае пэўныя надзеі на тое, што пры дапамозе прылады міжнароднай прафсаюзнай салідарнасці мы не толькі выстаім у супрацьстаянні з беларускім рэжымам, але і пераможам. Таму трэба ўсведамляць, што тое, што адбылося цяпер у Берліне, гэта палітычнае рашэнне арганізацыі, якая вельмі добра ведае пра тое, што адбываецца ў Беларусі. МКП таксама добра ўсведамляе, што лёс міжнароднага прафсаюзнага руху ў значнай ступені вырашаецца і ў нашай краіне.

- Ці валодае міжнародны прафсаюзны рух эфектыўнымі інструментамі ўздзеяння на рэжым Лукашэнкі за парушэння правоў рабочых? Калі так, то якімі?

- Калі беларускія ўлады адмовіліся выконваць рэкамендацыі Міжнароднай арганізацыі працы, якія былі накіраваныя на аднаўленне рабочых і прафсаюзаў, у 2007 Міжнародная і Еўрапейская канфедэрацыі прафсаюзаў пазбавілі Беларусь гандлёвых прэфэрэнцый. Таму можна сказаць, што прынцып міжнароднай прафсаюзнай салідарнасці спрацаваў і спрацуе, калі будзе трэба.

- Праблемы з парушэннямі правоў рабочых існуюць у большай ці меншай ступені і ў іншых краінах. Ці не губляецца на гэтым фоне цікавасць да Беларусі?

- Як раз тут усё нармальна. Напярэдадні з'езда быў апублікаваны спіс краін з самымі дрэннымі ўмовамі для рабочых. І Беларусь апынулася ў ліку першых 25. Тут маецца на ўвазе і прымусовая праца, і ўсё астатняе. Дарэчы, учора прагучала заява Лукашэнкі пашырыць практыку прымусовай працы на аграпрамысловы комплекс. Беларусь таксама апынулася ў спісе 25 краін, дзе самыя дрэнныя ўмовы дзейнасці прафсаюзаў. Гэтыя праблемы 31 траўня будуць разглядацца на штогадовай Міжнароднай канферэнцыі працы ў Жэневе, і беларускае пытаньне - другое ў спісе. Так што гэтым усё сказана.

Фота: bymedia.net