На скрыжаванні ў Віцебску загарэўся святлафор
16- 29.05.2014, 9:15
- 11,507
Чорныя клубы дыму і языкі полымя над праезнай часткай маглі бачыць мінакі на адной з вуліц Віцебска.
Як аказалася, гарэў святлафор, размешчаны на апоры асвятлення. Пра гэта паведаміў відавочца, які даслаў фатаграфіі з месца здарэння, піша onliner.by.
Надзвычайнае здарэнне адбылося на скрыжаванні вуліц Замкавай і Калініна. Святлафор гарэў адкрытым полымем . З-за гэтага нават спыніліся некаторыя ўдзельнікі дарожнага руху.
«Паведамленне аб узгаранні паступіла каля 19:30, - распавяла прэс-сакратар Віцебскага абласнога ўпраўлення МНС Марына Фандо. - У выніку пашкоджаны корпус святлафора, кабель і святлодыёдныя пласціны. Прычына таго, што адбылося, высвятляецца».