Польскі падарожнік выдаў кнігу пра Беларусь

Ігар Сакалоўскі напісаў кнігу для тых, хто нічога не ведае пра нашу краіну.

Яна называецца «Беларусь для пачаткоўцаў».

«Што палякі сёння ведаюць пра Беларусь? Можа, тое, што ёю бесперапынна на працягу 20 гадоў кіруе Аляксандр Лукашэнка. А, магчыма, што менавіта ў гэтай краіне нарадзіліся Эліза Ашэшка, Тадэвуш Касцюшка, Рышард Капусціньскі і мноства іншых вядомых дзеячаў як Польшчы, так і Беларусі», - піша Ігар Сакалоўскі ў прадмове да сваёй кнігі Białoruś dla początkujących (пераклад - charter97.org).

Варта адзначыць, што на працягу месяца кніга набрала вялікую папулярнасць.

«Беларусь для пачаткоўцаў» не з'яўляецца даведнікам ў яго класічным разуменні, але я спадзяюся, што пасля прачытання гэтай кнігі, чытач захоча лепш даведацца і нават наведаць гэтую краіну», - дадае журналіст і падарожнік.