Пуцін загадаў падпісаць дамову аб ЕАЭС
9- 29.05.2014, 10:24
- 15,488
Уладзімір Пуцін распарадзіўся прыняць прапанову ўрада Расеі аб падпісанні Дамовы аб Еўразійскім эканамічным саюзе.
Распараджэнне прэзідэнта РФ апублікавана на афіцыйным інтэрнэт-партале прававой інфармацыі сёння.
"Дазволіць Мінэканамразвіцця Расні ў ходзе перамоваў аб падпісанні названай Дамовы ўносіць у яе праект, ухвалены ўрадам Расейскай Федэрацыі, змены, якія не маюць прынцыповага характару, - гаворыцца ў тэксце распараджэння. - Лічыць мэтазгодным падпісаць Дамову, прадугледжаную гэтым распараджэннем, на пасяджэнні Вышэйшага Еўразійскага эканамічнага савета на ўзроўні кіраўнікоў дзяржаў".
Нагадаем, Лукашэнка, Назарбаеў і Пуцін у ходзе пасяджэння Вышэйшага Еўразійскага эканамічнага савета ў чацвер у Астане плануюць падпісаць дамову аб Еўразійскім эканамічным саюзе (ЕАЭС).
Фота: AFP