Клічко абвешчаны мэрам Кіева
13- 29.05.2014, 10:37
- 15,572
Лідар партыі "УДАР" Віталь Клічко перамог на выбарах гарадскога галавы Кіева.
Пра гэта паведаміў старшыня Вярхоўнай Рады, в.а. прэзідэнта Украіны Аляксандр Турчынаў, адкрываючы пасяджэнне парламента ў чацвер, піша "Інтэрфакс-Украіна".
"У Кіева ёсць новы кіраўнік, якім стаў наш калега Віталь Клічко", - сказаў Турчынаў.
Афіцыйныя дадзеныя аб выніках выбараў мэра Кіева пакуль адсутнічаюць.
Нагадаем, што выбары гарадскога кіраўніка Кіева адбыліся ў адзін дзень з выбарамі прэзідэнта Украіны - 25 траўня. Віталь Клічко актыўна ўдзельнічаў у падзеях Майдана, якія прывялі да ўцёкаў былога прэзідэнта Украіны Віктара Януковіча.