Журналіст з Луганска: Мне проста казалі, што зараз прастрэляць галаву
1- 29.05.2014, 12:30
- 16,192
Баевікі тры дні катавалі журналіста ў захопленым будынку СБУ ў Луганску.
Яго затрымалі два тыдні таму на аўтавакзале Луганска. Прычынай стала тое, што ён, заўважыўшы групу падазроных людзей, пачаў іх фатаграфаваць. Журналіста схапілі і даставілі ў будынак СБУ, захоплены баявікамі яшчэ ў пачатку красавіка, перадае тэлеканал СТБ.
«У Луганску цяпер улада адна - аўтамат. Мне сказалі лезці ў багажнік. Пагражалі, што калі не палезу - прыстрэляць», - распавядае журналіст пра сваё затрыманне баевікамі.
Ён сказаў, што ў будынку СБУ, акрамя яго было больш за дзесятак затрыманых.
«Мне проста казалі, што зараз прастрэляць галаву, - распавядае былы палонны. - Збівалі прыкладам аўтамата. Калі білі, казалі «Вас, с...к, не шкада, таму што вы - сволачы, фашысты».
Як толькі ўдалося вызваліцца з бандыцкага палону, журналіст выехаў з родных месцаў у бяспечнае месца на захадзе Украіны. Аднак і зараз паранены журналіст не адчувае сябе ў бяспецы.