Прэс-сакратар Пуціна абяцае «гуманітарную дапамогу» тэрарыстам
28- 29.05.2014, 20:36
- 14,322
Крэмль мерыцца афіцыйна падтрымаць ваеўнікоў на ўсходзе Украіны, даўшы ім «гуманітарную дапамогу».
Пра гэта заявіў прэс-сакратар прэзідэнта Расеі Дзмітрый Пяскоў, паведамляе «Русская служба новостей».
«Гуманітарная дапамога будзе дадзеная ім конча. З нагоды вайсковай нічога сказаць не магу. Пра гэта трэба спытаць саміх вайскоўцаў, але гуманітарную дапамогу, безумоўна, дамо», - растлумачыў ён, адказваючы на пытанне, ці дасць Расея дапамогу «Данецкай Народнай Рэспубліцы».
Са слоў Пяскова, зварот сэпаратыстаў з просьбай аб уваходжанні ў склад РФ і аб дапамозе ў Крамлі не атрымлівалі, але Уладзімір Пуцін пра просьбу ведае.
Напярэдадні кіраўнік ДНР, прызнанай уладамі Украіны тэрарыстычнай арганізацыяй, Дзяніс Пушылін накіраваў Уладзіміру Пуціну афіцыйны зварот з просьбай прыняць «рэспубліку» ў склад РФ, а таксама даць дапамогу, у тым ліку гуманітарную і вайсковую, у барацьбе з нацгвардыяй Украіны.