НТВ зачыніла ток-шоў «Школа пляткарства»
12- 29.05.2014, 20:58
- 15,168
Інтэлектуальнае ток-шоу федэральнага расейскага канала НТВ «Школа пляткарства» спыняе сваё існаванне.
Пра гэта паведаміла адна з вядоўцаў праграмы Таццяна Тоўстая на сваёй старонцы ў сацыяльнай сетцы «Фэйсбук».
«Дарагія чытачы, гледачы ШП і сябры. Вось яшчэ цікавая навіна. «Школу пляткарства» зачынілі», - паведаміла Тоўстая.
Праграма Аўдоцці Смірновай і Таццяны Тоўстай выходзіла ў эфір з 2002 года. Вядоўца падзякавала ўсім, хто ўдзельнічаў у стварэнні перадачы.
«Школа пляткарства» - уладальнік прэміі «ТЭФІ-2003» у намінацыі «Ток-шоў». Вядоўцы Таццяна Тоўстая і Аўдоцця Смірнова сталі фіналісткамі «ТЭФІ-2004» у намінацыі «Інтэрв'юер».