Абсалютная большасць чальцоў Рады бяспекі ААН падтрымалі ўлады Украіны

Скандалам завяршылася пасяджэнне Рады Бяспекі ААН адносна абвастрэння сітуацыі ва Украіне.

Апошняй падзеяй мерапрыемства стаў абмен крытычнымі рэплікамі прадстаўнікоў ЗША Саманты Паўэр і РФ Віталя Чуркіна, паведамляе УНІАН.

Абсалютная большасць чальцоў Рады бяспекі ад розных краін свету выступілі са словамі падтрымкі антытэрарыстычнай аперацыі, якую праводзіць Украіна на сваёй тэрыторыі. Толькі Кітай абмежаваўся дыпламатычна нейтральнай заявай.

Прадстаўнік гэтай краіны падкрэсліў, што КНР «глыбока турбуе» сітуацыя ва Украіне. І дадаў, што Пекін хацеў бы бачыць «палітычнае ўрэгуляванне на аснове дыялогу, а не канфрантацыі».

Украіна падзякавала сусветную супольнасць за падтрымку і адэкватны аналіз сітуацыі.

«Мы афіцыйна заяўляем аб тым, што ніякіх танкаў, ніякіх ракет не выкарыстоўвалі супраць грамадзянскага насельніцтва. Расейскія заявы аб удзеле няўрадавых узброеных груп у АТА не адпавядаюць рэчаіснасці. Абсалютна цынічная і фальшывая заява Расеі аб тым, што былі англамоўныя замежнікі. Мы афіцыйна заяўляем, адзіныя замежныя вайскоўцы ва Усходняй Украіне - гэта расейскія дыверсанты і найміты», - адзначыў прадстаўнік Украіны ў дыскусіі.

З крытыкай кіраўніцтва Украіны выступіла толькі Расея. Яе прадстаўнік не абмежаваўся сваім пратакольным выступам і запатрабаваў дадатковага слова ў канцы пасяджэння.

У ім Чуркін зноў раскрытыкаваў дзеянні Кіева і пазіцыю ЗША, а таксама адзначыў, што Расея не адмаўлялася ад выканання дамоўленасцей ад 21 лютага (пагадненне ў Кіеве паміж Януковічам, тагачаснай апазіцыяй і заходнімі амбасадарамі, якую прадстаўнік Масквы адмовіўся падпісваць) і 17 га красавіка (пагадненне ў Жэневе адносна дээскалацыі канфлікту ва Украіне паміж Кіевам, Брусэлем, Вашынгтонам і Масквой) гэтага года.

У адказ на крытыку прадстаўніца ЗША заявіла, што з боку РФ у чарговы раз выкарыстоўваецца хлусня. Паўэр нагадала, што Вашынгтон выступаў з асуджэннем сілавых дзеянняў і заняццем памяшканняў майданаўцамі падчас акцый пратэсту ў Кіеве гэтай зімой, хоць Чуркін казаў, што такога факту не было. Паўэр назвала дату гэтай заявы Амерыкі і запатрабавала ад апанента абвяржэння яго хлуслівых слоў.

Акрамя таго, амерыканская дыпламатка акцэнтавала ўвагу на тым, што Расея была адзінай стараной перамоваў, якая адмовілася падпісваць пагадненні 21 лютага, да якіх Крэмль пастаянна апелюе апошнім часам. Таму, на думку Паўэр, Расея не мае права патрабаваць іх выканання, бо яно з'яўляецца справай тых, хто падпісваў дамоўленасці.

Таксама прадстаўніца ЗША раскрытыкавала тэзісы расейцаў аб ужыванні ВСУ да мірных жыхароў у Данбасе. «У іх форма, як у вашых жаўнераў. Адкуль яны ўзялі зброю, з дапамогай якой можна збіваць верталёты?», - іранічна спытала Паўэр.

Пасля гэтага Чуркін трэці раз папрасіў слова і заявіў аб тым, што «хлусня не абавязкова з'яўляецца скажэннем фактаў, але выбарачным прадстаўленнем сваёй пазіцыі». Выбачэнняў за хлусню не прагучала.

Затое Чуркін пацвердзіў сур'ёзнасць намеру аднавіць актуальнасць палажэнняў пагаднення ў Жэневе, заклікаўшы Раду бяспекі ААН сумеснай заявай прыняць гэтыя дамоўленасці як абавязковыя да выканання.

Рада бяспекі ААН даручыла сакратарыяту прапрацаваць гэтае пытанне да наступнага пасяджэння. Пасля чаго дыскусія была аб'яўлена закрытай.