Татары сустракаюць «неўязнога» Мустафу Джамілёва на ўездзе ў Крым
6- 3.05.2014, 10:29
- 14,622
Амаль 1000 чалавек знаходзяцца ля кантрольна-прапускнога пункта ў Армянску, чакаючы прыезду лідара крымска-татарскага народу Мустафы Джамілёва.
Праходзіць мірная акцыя пратэсту.
Як паведамляе QHA, сярод іх - старшыня Меджліса крымска-татарскага народу Рафат Чубараў, чальцы Меджліса, віцэ-прэм'ер Крыму Ленур Іслямаў, дэлегаты Курултая, ветэраны нацыянальнага руху, моладзь.
Развяваюцца крымска-татарскія нацыянальныя сцягі.
Людзі фармуюцца ў калону, яна рушаць у Херсонскую вобласць, каб сустрэць Мустафу Джамілёва.
Нагадаем, лідара крымска-татарскага народу, дэпутата Вярхоўнай Рады Украіны Мустафу Джамілёва 2 траўня не пусцілі ў Маскву. Ён не змог трапіць на авіярэйс Масква-Сімферопаль.
Джамілёва не прапусцілі праз пашпартны кантроль, заявіўшы, што яму ўезд забаронены. Дэпутат вярнуўся ў Кіеў. Сёння ён вяртаецца на аўтамабілі з Кіева ў Крым.