BMW некалькі разоў перакуліўся падчас гонак у Салігорску

2 траўня позна вечарам у Салігорску адбылося здарэнне з удзелам BMW.

Са слоў відавочцаў, аварыі папярэднічала гульня на перагонкі з аўтамабілем Mercedes, піша onliner.by.

«Аўтамабілі рухаліся па вуліцы Заслонава ў кірунку ад царквы ў бок вуліцы Леніна, - пішуць у групе «Салігорскія аўтааматары» ў сацыяльнай сетцы «Вконтакте». - У нейкі момант на шляху BMW паўстала перашкода, кіроўца выехаў за межы праезнай часткі, і аўто некалькі разоў перакулілася ўжо на тратуары».

Са слоў відавочцаў можна прыблізна аднавіць падзеі вячэрняга здарэння: аўтамабілі набралі высокую хуткасць, BMW рухаўся ў правай паласе, Mercedes - у левай. Кіроўца першага аўтамабіля наважыў абагнаць апанента па сустрэчнай. У той момант па ёй ехалі «Жыгулі». Аўтамабіліст на BMW заўважыў гэта позна. Пазбягаючы сутыкнення, ён рэзка прыняў налева, пераехаў па дыяганалі праезную частку, стукнуўся аб бардзюр і некалькі разоў перавярнуўся (каля шасці). Аўтамабіль знёс тры пралёты жалезнай агароджы і спыніўся каля плота гандлёвага цэнтра, які будуецца.

«У аўтамабілі знаходзіліся тры чалавекі, уключаючы кіроўцу, - запэўніваюць у сацыяльнай сетцы. - Па шчаслівай выпадковасці ніхто не пацярпеў, пешаходаў на тратуары таксама не было. Кіроўца і пасажыры былі цвярозыя. Аўтамабіль, мяркуючы па фота, аднаўленню не падлягае».

Пазней з'явілася і альтэрнатыўная версія таго, што здарылася. Карыстальнік нашага форуму PGS09 сцвярджае, што бачыў момант ДТЗ. Ён так апісвае абставіны аварыі (арфаграфія і пунктуацыя аўтара захаваныя): "Жыгулі ехалі ў першай паласе, ледзь ззаду ў другой ехала Аўдзі. Бумеру нічога не заставалася, акрамя як праціснуцца паміж імі, бо тармазіць ён ужо не паспяваў (ляцеў, што благі). Ну вось і праскочыў. Адразу ж яго зад пачало насіць налева-направа. І быццам ён амаль нават выраўнаваў аўто, але не зусім, і паляцеў на сустрэчны плот. Не было сустрэчных аўтамабіляў, ад якіх ён сыходзіў, ён проста хрэнова абагнаў жыгулі і далей ужо не справіўся з кіраваннем».