Андрэй Дзешчыца: Тэрарысты падпарадкоўваюцца толькі Расеі
8- 3.05.2014, 12:23
- 15,320
Кіраўнік МЗС Украіны пракаментаваў вызваленне захопнікамі Славянска місіі АБСЕ.
Замежных вайсковых назіральнікаў вызвалілі сёння днём. Пра гэта заявіў прадстаўнік прэзідэнта Расеі Уладзімір Лукін, які ў гэты момант знаходзіцца ў Славянску.
Гэтую інфармацыю ўжо пацвердзіў кіраўнік МЗС Украіны Андрэй Дзешчыца.
«Агульнымі сіламі вызвалены чальцы місіі АБСЕ. Усе 12 выехалі са Славянска. Яшчэ адзін доказ таго, што тэрарысты там слухаюцца толькі Расею», - напісаў ён у сваім акаўнце ў «Твітэры».
Спільними силами звільнено членів місії ОБСЄ. Всі 12 виїхали зі Словянська. Ще один доказ того, що терористи там слухаються тільки Росію
— Andrii Deshchytsia (@ADeshchytsia) 3 мая 2014Нагадаем, у Славянску тэрарысты ўзялі ў закладнікі вайсковых інспектараў АБСЕ.
27 красавіка на прэс-канферэнцыі захопленыя інспектары АБСЕ заявілі, што «знаходзяцца ў гасцях» у самаабвешчанага «мэра» захопленага дыверсантамі горада Вячаслава Панамарова.
Сёння Службай бяспекі Украіны былі атрыманыя доказы каардынацыі і непасрэднага ўплыву расейскага боку на сітуацыю вакол захопу чальцоў вайсковай верыфікацыйнай місіі краін - удзельніц АБСЕ.
У прыватнасці, апублікаваная размова паміж спецыяльным прадстаўніком прэзідэнта РФ Уладзімірам Лукіным і правадыром узброеных тэрарыстаў «Стралком» Ігарам Гіркіным.
