У Даніі стартуе конкурс «Еўрабачанне-2014»
4- 4.05.2014, 12:18
- 10,741
У Капенгагене, у гістарычным будынку мэрыі Капенгагена, сёння адбудзецца адкрыццё песеннага конкурсу «Еўрабачанне».
У конкурсе будуць удзельнічаць прадстаўнікі 37 краін-удзельніц.
Дэвіз сёлетняга «Еўрабачання» - JoinUs («Далучайся да нас»). Два паўфіналы пройдуць 6 і 8 траўня, фінал - 10 траўня. Усе шоў будуць транслявацца ў прамым эфіры, паведамляе РБК.
Цырымонія адкрыцця конкурсу пачнецца а 17:50 паводле мясцовага часу, гаворыцца на сайце «Еўрабачання-2014».
Беларусь на конкурсе прадставіць спявак Тэа. Спявак з кампазіцыяй Cheesecake выступіць пад 10-м нумарам у другім паўфінале 8 траўня.