У гарадах Данбаса праходзіць апытанне аб тэрытарыяльнай цэласнасці Украіны
15- 4.05.2014, 13:42
- 23,258
Вынікі будуць апублікаваныя заўтра, 5 траўня.
Сёння, 4 траўня ў больш чым 60 найбуйнейшых населеных пунктах Данецкай і Луганскай абласцей праходзіць «народны рэферэндум» у выглядзе кансультацыйнага апытання грамадзян аб тэрытарыяльнай цэласнасці Украіны, піша «Карэспандэнт».
У бюлетэнь вынесена два пытанні: «Ці падтрымліваеце вы тэрытарыяльную цэласнасць Украіны?» і «Выступаеце вы за пашырэнне правоў мясцовых суполак, якое выяўляецца ў самастойнай бюджэтнай і культурнай палітыцы рэгіёну?».
Ініцыятарам мерапрыемства выступіла грамадзянская аб'яднанне «Камітэт патрыятычных сіл Данбаса». Адзін з актывістаў камітэта Дзмітрый Ткачэнка заявіў што, паводле стану на абедзенны час, ужо выкарыстаная вялікая частка з аддрукаваных раней 100 тысяч бюлетэняў. Для максімальнага ахопу тэрыторый намі выкарыстоўваюцца стацыянарныя пасты для галасавання, а таксама перасоўныя мабільныя групы.
Дзмітрый Ткачэнка загадзя адзначыў, што «рэферэндум-апытанне не мае юрыдычнай сілы (зрэшты як і і «рэферэндум» сепаратыстаў, прызначаны на 11 траўня), яго галоўная мэта - паказаць сапраўднае стаўленне грамадзян Данецкага і Луганскага рэгіёнаў да пытання адзінства краіны, як гаварыцца, не пад руляй аўтамата. Вынікі «рэферэндума-апытання» будуць апублікаваныя заўтра, 5 траўня».
У ініцыятыўнай групе таксама паведамілі, што фактаў перашкоды працы мабільных груп валанцёраў, а таксама правакацый у месцах апытання не зафіксавана, актывісты працуюць у штатным рэжыме.