Пенсіянеры будуць ездзіць у «не швейцарскіх» электрычках за палову кошту

З 1 траўня да 30 верасня пенсіянеры будуць плаціць за праезд у цягніках рэгіянальных ліній эканомкласу на 50% менш.

Гэта прадугледжана ўказам Лукашэнкі ад 29.04.2011 года №176 «Аб дзяржаўнай падтрымцы пенсіянераў», паведамляюць у прэс-службе БЧ.

Зніжкі не распаўсюджваюцца на праезд у электрацягніках бізнэс-класу («швейцарскія электрычкі»), а таксама ў цягніках гарадскіх ліній. Продаж квітка са зніжкай ажыццяўляецца паводле арыгіналу пенсійнага пасведчання.